पुणे : वैद्य प. य. वैद्य खडीवाले लिखित आणि डायमंड पब्लिकेशन प्रकाशित ‘आयुर्वेदीय वनौषधी’ (सचित्र वनस्पतींची उपयुक्तता), ‘सहजसोपे घरगुती आयुर्वेदीय उपचार’ आणि ‘एटूझेड आरोग्यवर्धिनी’ या तीन पुस्तकांचे प्रकाशन व वैद्य खडीवाले यांचे सर्वांसाठी मार्गदर्शनपर व्याख्यान आयोजित करण्यात आले आहे.
शनिवारी , ९ सप्टेंबर रोजी सायंकाळी ५ ते ८ या वेळेत बालगंधर्व रंगमंदिरात हा प्रकाशन सोहळा होणार आहे. पुण्याचे पालकमंत्री गिरीश बापट व महापौर मुक्ता टिळक यांच्या हस्ते या तीनही पुस्तकांचे प्रकाशन होणार आहे. प्रकाशनानंतर वैद्य प. य. वैद्य खडीवाले उपस्थितांच्या शंकांचे निरसन करणार आहेत. हा कार्यक्रम सर्वांसाठी विनामूल्य आहे.
कार्यक्रमाविषयी : दिवस : शनिवारी , ९ सप्टेंबर
वेळ : सायंकाळी ५ ते ८
स्थळ : बालगंधर्व रंगमंदिर
